Апсење на Граничните премини Деве Баир и Делчево
На два гранични премини во Македонија вчера биле приведени двајца турски државјани. Едниот на граничниот премин „Делчево“ поради сомение за фалсификувана зелена карта за автоосигурување, а другиот на „Деве баир“ поради соневање дека илегално влегол во Македонија.
На 26.03.2018 година во 10,30 часот на Граничниот премин „Делчево” на влез во Р.Македонија поради постоење основи на сомнение за фалсификувана меѓународна зелена карта за осигурување од автоодговорност, бил лишен од слобода турскиот државјанин Б.С. (44), кој управувал товарно моторно возило „Рено” со турска национални ознаки. Истиот бил предаден на полициски службеници од Полициската станица Делчево за понатамошна постапка.
На 26.03.2018 година во 21.00 часот на Граничниот премин „Деве Баир” на излез од Р.Македонија поради постоење основи на сомнение дека има остварено илегален влез во Р.Македонија (немал печат за влез во РМ во патната исправа и не бил евидентиран), бил приведен турскиот државјанин А.О. (38). Истиот бил предаден на полициски службеници од Полициската станица Крива Паланка за понатамошна постапка.
