Шестмината пратеници осомничени за учество во насилствата во Собранието на 27 април денеска ќе бидат изведени пред судија на претходна постапка во Кривичниот суд.
На пратениците Јохан Тарчуловски, Жаклина Пешевска, Сашо Василевски, Крсто Муковски, Љубен Арнаудов и Љупчо Димовски Собранието во петокот одлучи да им го одземе имунитетот. Судот денеска ќе почне да постапува по предлогот на обвинителството.
Шестемина пратеници се дел од 36-те лица кои Основното јавно обвинителство ги гони за „терористичко загрозување на уставниот поредок и безбедноста“, во врска со настаните од 27 април годинава во Собранието на Република Македонија.
