Нова трагедија на македонските патишта, откако Битолчанец загина во сообраќајна несреќа.
Според информации на МВР едно лице го загуби животот во сообраќајна несреќа која вчера вечерта се случила околу 20 часот и 35 минути на регионалниот пат Битола-село Могила, кај месноста викана Тулана.
Како што информираат од полицијата, патничко моторно возило „Ауди“ со битолски регистерски таблички, управувано од 40- годишниот Р.Г од Битола излетало од патот.
Од добиените повреди возачот починал на лице место.
Полициски екипи извршиле увид на местото на несреќата.
