Министерот за надворешни работи, Никола Димитров, денеска ќе се сретне со министерот за надворешни работи на Грција, Никос Коѕијас. Локацијата каде ќе се одржи средбата засега не е позната.
Како што соопштија од МНР, разговорите ќе се фокусираат на прашања од билатерален интерес, како и на понатамошно зајакнување на мерките за градење доверба.
Завчера, пак, вицепремиерот задолжен за европски прашања, Бујар Османи, во Атина имаше средба со министерот за надворешни работи на земјата, Никос Коѕијас, како и со заменик-министерот за надворешни работи задолжен за европски прашања и меѓународни економски односи, Јоргос Катругалос.
Како што соопштија од Кабинетот на Османи, на средбите биле отворени темите за меѓусебната соработка, унапредување на комуникацијата, како и другите мерки за градење доверба меѓу двете земји.
„Имаме исклучителен напредок во комуникацијата меѓу двете земји, што води кон очигледно зголемување на довербата меѓу државите, но и севкупно, зголемување на довербата меѓу двете општества“, истакна Османи додавајќи дека само преку создавањето искрена атмосфера на доверба може да се надминат отворените прашања.
