Иако повреден, Филип Миркуловски синоќа беше ставен во игра на натпреварот со Црна Гора на средината од првото полувреме, а со неговото влегување Македонија заигра подобро и ја анулира предноста на противникот која на моменти изнесуваше три погодоци.
Нашиот централен бек е задоволен од прикажаното во досегашниот дел од шампионатот и најави игра на победа и против Германија.
„Знаевме дека ќе биде тешко со Црна Гора, иако многумина предвреме ни ги доделија бодовите. Честитки за Филип Лазаров кој на двата дуела ги постигна клучните голови. Неодамна реков дека дуелот со Германија може да биде за прво место во групата. Ние пренесуваме најмалку два бода во следната фаза. Со Германија одиме на победа и на прво место“, истакна Миркуловски.
Дуелот Македонија – Германија во 3.коло од Ц-групата на програмата е утре од 18:15 часот.
