Ова место крие една многу страшна тајна, а таа е поврзана со жителите, кои во главно се регистрирани сексуални престапници и педофили. 

Половина од популацијата на ова место ја сочинуваат сексуални престапници, многумина осудени поради злоставување на деца и малолетници. Откако отслужиле затворски казни, биле принудени до крајот на животот да живеат под надзор и далеку од другите луѓе.

Најмалку 800 метри од училиштето

Од училиштето, градинката и црквите мора да бидат оддалечени најмалку 800 метри, а не смеат да бидат ни блиску до автобуските станици. Пред куќата каде живеат мора да постават голем црвен натпис на кој покрај нивното име стои и предупредувањето – “осуден сексуален предатор”.

Миракл Вилиџ го основал Пат Пауерс, кој и самиот минал 12 години во затвор поради секс со студентки на кои им бил спортски тренер.

Крис Досон, еден од жителите, вели дека девојката го лажела дека е полнолетна и затоа завршил во затвор.

“Ме осудија бидејќи на 18 години имав секс со мојата девојка, која тогаш имаше 14. Ме лажеше за своите години и ми покажа лажна лична карта. Сите мои пријатели исто така веруваат дека има 18 години”.

Крис сега има девојка која ја запознал во црква и која знае дека отслужил казна поради секс со малолетничка.

“Можам да имам деца, но не можам да им организирам роденденски забави со други деца. Уште поголем проблем е тоа како да им кажам дека нивниот татко е сексуален престапник”, вели Крис.