До крајот на денот ќе се задржи топло време со температура до 36 степени, а попладнево се очекува нестабилност со локален пороен дожд и грмежи.
Нестабилноста најпрвин ќе биде во западните делови, а потоа претежно преку северните ќе се преместува кон источните делови. Врнежите повремено ќе бидат поројни и проследени со грмежи, на места со засилен ветер и услови за појава на град.
Во следните денови времето ќе биде променливо облачно и нестабилно, локално процесите ќе бидат и во форма на невреме.
Утре и во петок се очекува врнежите да бидат пообилни. Дневните температури ќе бидат во постепено опаѓање.
Утринската температура ќе се движи од 13 до 20 степени, а дневната температура од 23 до 36 степени.
