Луѓето кои минуваат многу време во природа знаат дека природата делува како исцелител. Секоја билка и секое цвеќе има свои карактеристики кои делуваат на нашата физичка и емоционална добросостојба.
Ова се неколку цвеќиња кои носат позитивна енергија во домот.
Африканска љубичица
Оваа билка ја чисти старата, тешка енергија. Одлична е за чистење на просторот, како куќата и канцелариите, но и физичкото тело. Љиљаковата боја е боја на исцелување и помага за намалување на проблемите со бубрезите, ревматските заболувања, епилепсија, ишијас, ја намалува нервозата.
Нејзината порака е следната: Ќе го исчистам старото и ќе дадам живот на новите нешта. Тоа е долгорочен процес. Имам моќ да ја трансформирам негативната енергија од вашето тело и да придонесам за позитивна состојба на мир и љубов.
Глуварче
Жолтиот цвет на глуварчето помага за лечење на бесот, лутината, огроченоста и љубомората. Нуди чувство на мир.
Неговата порака е: Помагам да се отстранат горчината и бесот од вашиот живот. Исто така, можам да помогнам да ги остварите своите желби.
Гарденија
Гарденијата е одлична за сите луѓе кои патат од хроничен стрес. Нејзините цветови ги отстрануваат стресните емоции и ве потсетуваат дека е време за смеа и забава.
Нејзината порака е : Бидете блиску до мене и уживајте во мојот мирис. Тоа ќе ви помогне да се ослободите од стресот и грижите. Сега е време да влезете во блажена фаза од вашиот живот.
Јоргован
Јоргованот има смирувачки ефект кој помага да се опуштите од стресот и брзиот начин на живеење. Погоден е за луѓе кои патат од анксиозност и депресија.
Неговата порака е: ослободете се од сите иритирачки и депресивни мисли и заменете ги со позитивен став и чувства. Можете да го постигнете тоа.
Орхидеја
Орхидејата има огромна енергија. Тоа потсетува дека сте го заслужиле само најдоброто и дека тоа е единствената работа на која треба да се насочите.
Нејзината порака гласи: Со секој чекор сте поблиску до целта. Не е време за откажување, уште малку и ќе стигнете до крајот. Дајте се од себе.
Црвена роза
Црвената роза е симбол на страста и љубовта и традиционално таа е романтичен подарок. Нејзината моќ на исцелување ги топи блокадите во нашето срце. На тој начин, лесно можеме да ја привлечеме и задржиме љубовта.
Нејзината порака вели: Вие заслужувате љубов, дозволете и да влезе во вашиот живот. Најдете ја поврзаноста и страста која ја барате. Таа ги исцелува сите рани и ви помага да тргнете напред.
