Собранието денеска ја констатира оставката на пратеникот од СДСМ, Петар Атанасов, кој на 23 овој месец поднесе оставка. Се очекува Атанасов да биде именуван за заменик-министер за образование.
На местото на Атанасов се очекува да дојде Снежана Каевска, која е следна на листата на кандидати, но се очекува официјален допис од Државната изборна комисија.
„Бидејќи пратеникот Петар Атанасов беше избран од листата на кандидати, потребно е ДИК да го извести Собранието за кандидатот од оваа листа на кој треба да му се верифицира мандатот за пратеник во согласност со член 153 од Изборниот законик“, рече претседателот на Собранието, Талат Џафери.
Инаку, со реконструкцијата на Владата пред неколку месеци беше опфатено и Министерството за образование и тогашниот заменик-министер Арбер Адеми ја замени Рената Дескоска на министерската позиција.
