Пред Апелациониот суд во Скопје утринава во пресрет на седницата на која треба судиите да ја донесат одлуката за казната затвор на експремиерот Никола Груевски, има засилено полициско обезбедување.
Денеска е последниот ден Апелацискиот суд да одлучи по жалбата на поранешниот премиер Никола Груевски за пресудата во случајот „Тенк“ на Специјалното јавно обвинителство за набавката на луксузниот „мерцедес“ вреден 600 илјади евра.
За случајот „Тенк“, поранешниот премиер Никола Груевски како поттикнувач за извршување на делото е осуден на две години затвор, а поранешниот помошник министер во МВР Ѓоко Поповски е осуден на шест години и шест месеци затвор.
