Единствената политичка агенда на антизападниот пион Христијан Мицкоски е амнестија на неговиот ментор и носител на криминалот и режимот, Никола Груевски. Тоа вчеравечер го потврди и самиот Мицкоски кога се обидуваше со истите тези на Груевски да го одбрани криминалот на неговиот ментор, велат од СДСМ.
„Антизападниот Мицкоски призна за средбите со својот ментор Груевски и разговорите на заедничка тема – иднината на Никола Груевски. Со тоа, Мицкоски уште еднаш покажа дека за него и за антинародното раководство на ВМРО-ДПМНЕ иднината на Груевски е побитна отколку иднината на Македонија и нејзините граѓани. Судбината на Груевски е иднината на Мицкоски“, велат од СДСМ.
Затоа, велат од таму, Мицкоски и антизападното раководство на ВМРО-ДПМНЕ работат против интеграција во ЕУ и НАТО.
„Таквите признанијана на Мицкоски се дополнителна причина за преостанатите пратеници на ВМРО-ДПМНЕ да ја напуштат поразената матрица на Груевски и да ги поддржат процесите во Собранието што водат кон ЕУ и НАТО. На актуелното антизападно раководство на ВМРО-ДПМНЕ и на пионот Мицкоски треба да им е јасно дека не можат да ги одбранат криминалите на Груевски“, велат од СДСМ.
