Во текот на изминатите денови на подрачјето на Секторот за внатрешни работи Скопје се случиле 31 сообраќајна незгода од кои три со тешки телесни повреди, 11 со телесни повреди и 17 со материјална штета.
При сообраќајните незгоди три лица се здобиле со тешки телесни повреди и 17 со лесни телесни повреди. Потоа 138 возачи се санкционирани бидејќи се движеле со поголема брзина од дозволената. Исто така исклучени се и 95 возачи, бидејќи 40 го управувале возилото под дејство на алкохол, 43 возачи управувале возило пред да се стекнат со право на управување на моторно возило и 12 биле возачи почетници.
Од сообраќај се исклучени 32 возила, бидејќи 31 возило било нерегистрирано и едно технички неисправно. Исто така санкционирани се и пет возачи кои поминале на црвено светло, тројца не дале првенство на минување на пешаци, тројца неправилно се престроиле, двајца неправилно престигнувале и еден не дал првенство на минување на возила. Во текот на изминатите денови издадени се 189 мандатни платни налози, додека исто така 119 возила се подигнати со ,,пајак”.
