Тројца американски војници, припадници на Мисијата на НАТО во Авганистан, загинаа при експлозија на бомба во близина на авганистанскиот град Газни, соопшти денеска Алијансата.
При експлозијата се ранети уште тројца американски војници и е еден Американец, цивил.
Во соопштението на НАТО не се посочуваат детали за нападот.
Одговорност за експлозијата презедоа талибанските бунтовници, чиј портпарол, Забихука Муџахид соопшти дека целта на нападот бил конвој возила на американската армија.
Со најновите жртви, бројот на американски војници загинати во Авганистан од почетокот на годината се зголеми на 12.
Од почетокот на американската воена интервенција во Авганистан во 2001, па досега, во оваа средноазиска држава животите ги загубија над 2.400 припадници на Вооружените сили на САД.
Во моментов во Авганистан се стационирани околку 15.000 американски војници.
