На церемонијата на дoделувањето на најважното рок-признание во светот конечно ќе учествува и Џенет Џексон, на која тоа не и успеваше повеќе години.
Конечната листа на музичари кои биле во изборот официјално е соопштена во раните утрински часови во четвртокот, 13 декември, а за прв пат во историјата во изборот на музичари учествуваше и публиката со гласање. Во изборот се најдоа 25 кандидати, со повеќе од 25 години музичко искуство.
Церемонија на дoделувањето на најважното рок-признание во светот ќе се одржи на 29 март 2019 година во Баркли центарот во Њујорк, а освен на групата „Кјур”, чест ќе им биде оддадена и на групите „Рејдиохед”, „Рокси мјузик” (вклучувајќи го Брајан Ен) „Деф Лепард“, „Зомби“, како и на пејачките Џенет Џексон и Стиви Никс.
Иако американската пејачка Стиви Никс, всушност, веќе беше во салата на славните како дел од „Флитвуд Мек”, ова е нејзин голем успех како соло пејачка.
Друштво, успеавме – напиша Џенет, која неколку пати беше номинирана во минатото, но дури сега и успеа.
„Ви благодарам за вашата љубов и поддршка”, додаде таа на Твитер.
Во 1987 година, Арета Френклин беше првата жена во „Рокенрол-куќата на славните“.
