Европскиот суд за човекови права одлучи дека Грција ги прекршила одредбите против дискриминација со примена на исламски верски закон за решавање на спор за наследство меѓу припадници на муслиманското малцинство во земјата.
Судот денеска ја осуди Грција дека ја нарушила Европската конвенција за човекови права, со примена на шеријатски закон и како резултат на тоа, волјата на грчки муслиман, кој целиот имот го оставил на својата сопруга, била поништена по жалба на неговите сестри. Вдовицата Молa Сали се обратила на Европскиот суд во 2014 година откако изгубила три четвртини од нејзиното наследство.
Во јануари, грчкиот Парламент ги ограничи правата на исламските судови во североисточна Грција (Западна Тракија), каде што живее вековно муслиманско малцинство. Грчкото законодавство за малцинствата се заснова на меѓународни договори склучени по падот на Отоманската империја.
