Италијанската планина Етна, најголемиот и најактивен вулкан во Европа, еруптира во понеделникот и исфрла големо количество пепел во воздухот поради што мораше да се затвори аеродромот во Катанија, на источниот брег на Сицилија.
Околу 130 верижни потреси на земјата го активираа вулканот во понеделникот, објави италијанскиот Национален институт за геофизика и вулканологија, со земјотреси со магнитуда од 4,0 степени.
Нема информации за повредени.
Вулканот висок 3 330 метри може да избувне во спектакуларна ерупција неколкупати во годината, фрлајќи лава и пепел високо над медитеранскиот остров. Последната голема ерупција се случи во 1992 година.
