Главната цел на Грција за 2019 година е да ја одржи стапката на раст во туризмот петта година по ред, рече грчката министерка за туризам, Елена Кунтура во интервју за АНА-МПА.
Кунтура рече дека 2018 била значајна година за грчкиот туризам и дека прв пат била постигната целта на Министерството во период од една година, додавајќи дека целта сега е да се прошират туристичките активности во помалку развиените туристички области, со поттикнување на нови инвестиции.
Таа додаде дека 2018 година е најдобрата година во историјата на грчкиот туризам, бидејќи странските посетители достигнале бројка од 33 милиони.
Грчката министерка за туризам предвиде уште еден рекорд кој, како што рече, треба да дојде од грчкиот сектор за крстарење.
