Американскиот државен секретар, Мајк Помпео денеска изјави дека САД се надеваат дека наскоро ќе имаат пристап до Американцеот кој е приведен под обвинение за шпионажа и оти ќе бараат негово итно враќање доколку се утврди дека е неосновано уапсен.
-Јасно им предочивме на Русите дека очекуваме повеќе информации за обвиниенијата со цел да сфатиме за што се товари американскиот државјанин, посочи Помпео.
Пол Велан на 28 декември е уапсен во Москва, а според руската Федерална служба за безбедност (ФСБ) тој е приведен „во текот на шпионска операција”.
– Ако неговото притворање не е примерно ќе бараме итно да биде вратен, посочи Помпео.
Велан е поранешен маринец од Мичиген, а неговиот брат тврди дека тој отпатувал во Москва како гостин на свадба.
