Во Ѓорче се запали куќа, двајца во болница
Пет минути пред полноќ во Скопје на улицата “Ѓорги Поп Христов“ настанал пожар на првиот кат од куќата на 72-годишниот С.С.
Според првичните наоди, најверојатно причина за пожарот е заборавен вклучен шпорет во кујната. Пожарот го забележале соседите од вториот кат Ф.M (20) и М. M(28), кои ја разбудиле и извадиле С.С. надвор.
Пожарот е изгаснат од Бригадата за против пожарна заштита во 00.20 часот.
Заради вдишувањето поголемо количество чад, на Ф.М.и М.М.им била укажана лекарска помош во Клиничкиот центар-Мајка Тереза, по што се пуштени на домашно лекување.
