Украинската влада поднесе во Европскиот суд за човекови права тужба против Русија, поради кршење на правата на украинските морнари по инцидентот во Керчкиот теснец, изјави заменик министерот за правда, Иван Лишчин.
Според неговите зборови, украинската влада бара од Европскиот суд да се произнесе за, како што велат, незаконското затворање на дваесет и двајцата украински морнари и двајцата припадници на безбедносните служби и нивното кривично гонење. Тие беа притворени од страна на руските власти поради преминот кај теснецот, за што Русија тврди дека било незаконски и дека бродовите навлегле во руските води.
Бродовите на украинската морнарица беа запленети на 25 ноември.
