Турскиот министер за надворешни работи, Мевлут Чавушоглу, изјави дека воената операција против курдските единици за заштита на народот, што Турција ја најави на северот во Сирија, не зависи од повлекувањето на американските трупи од тој регион, пренесе „Ројтерс“.
Се наведува дека Чавушоглу во интервју за НТВ порачал оти не е реално да се очекува од САД целосно да го соберат оружјето што им го дале на нивните сојузници.
Агенцијата потсетува дека официјална Анкара курдската единица ја смета за терористичка организација.
