Организацијата „Јуникод консорциум“ претстави 230 нови емотикони за оваа година, од кои 175 претставуваат луѓе и делови од човечкото тело. Отсега бојата на кожата и полот на двојките ќе може да се комбинираат произволно со повеќе од 70 варијанти.
„Јуникод консорциум“ е непрофитна организација која е задолжена за стандардизација на сите знаци што се достапни на интернет за да имаат исто значење во светот. Одборот кој одлучува се состои од големи технолошки компании, како „Епл“ и „Гугл“. Но, секоја компанија на свој начин ги претставува емотиконите, со мали отстапки.
Отсега ќе бидат достапни и емотикони на лица со инвадилитет, како што е емотиконот на лице со оштетен вид со стап во раката, како и уво со апаратче за слушање.
