Најмалку 60 лица, повеќето бебиња помали од една година, починале претходните денови во источниот дел на Сирија по евакуацијата од последните области под контрола на екстремистите на Исламската држава, соопшти Меѓународниот комитет за спасување на бегалците (ИРЦ).
Главни причини за смртта се исцрпеност и неисхранетост, наведе ИРЦ и додаде дека починале најмалку 62 лица, меѓу кои две третини се бебиња.
Повеќе од 30.000 луѓе што ги напуштиле последните области под контрола на Исламската држава стигнале изминативе недели во кампот „Ал-Хол“, со што бројот на бегалци сместени во него бил зголемен на 42.000 лица.
Курдските сили, кои имаат поддршка од САД, продолжуваат да водат борба против екстремистите на Исламската држава.
