Тело на 30-годишен државјанин на Македонија вчера попладне било извлечено од морето во Дубровник, на подрачјето на Бониново. Хрватските медиуми јавуваат дека најверојатно момчето се удавило.
Полицијата соопштила дека околу 13 часот од морето било извлечено мртво тело, а со идентификацијата е утврдено дека станува збор за 30-годишен државјанин на Македонија со постојан престој во Дубровник.
Засега нема повеќе информации за несреќата. Неофицијално момчето паднало во морето и не можело да излезе, а откако било извлечено давало знаци на живот, но за кусо време починало.
