Британските власти соопштија дека денеска завршиле со чистењето на градот Солзбери, каде поранешниот руски шпион Сергеј Скрипаљ беше отруен со нервен гас.
Куќата на Скрипаљ и 11 други потенцијално изложени локации се прогласени за исчистени од воениот отров „новичок“ една година по нападот на Сркипаљ.
Властите земале 5.000 примероци од повеќе места во Солзбери и Амсбури, каде 44-годишната Дон Старџес почина по труење со истиот гас. Таа дошла во контакт со нервниот агенс откако нејзиниот партнер ѝ дал како подарок козметичко шише кое го пронашол на улица.
Останатите локации на кои било спроведено чистењето, ја вклучуваат клупата и паркот во кој беа пронајдени Сергеј Скрипаљ и неговата ќерка Јулија, ресторанот во кој вечерале, како и куќата на детективот Ник Бејли, кој исто така беше изложен на гасот.