Возач со камион прегазил жена и ја усмртил, вчера во селото Петровец, информира полицијата. Станува збор за Р.К.(72) од скопското село Петровец.
Сообраќајната несреќа се случила во 9.45 часот во селото Петровец кога камион „ман“ со скопски регистарски ознаки, управуван од Б.Ѓ.(42) од селото Катланово, удрил во пешакот Р.К. Од ударот жената се здобила со тешки повреди и со возило на Итната медицинска помош била пренесенa во Комплексот клиники „Мајка Тереза“.
Околу 12.30 часот таа им подлегнала на повредите.
Увид на местото на настанот извршиле Јавен обвинител и увидна екипа од СВР Скопје.
