Жителите на две села кај Бујановац, Србија, два дена останале без вода затоа што мајсторот од градскиот водовод се женел. До дефект на пумпата дошло додека траела свадбата, а од водоводот на Бујановац не испратиле друг мајстор.
Прва ТВ објави дека без вода останале околу 700 жители на Српска куќа и Карадник. Тие го повикале надлежното комунално претпријатие, но мајстор не дошол. Имал слободно денови, па чекале два дена.
„Слушнавме дека мајсторот правел свадба, па немало кој да ни ја поврзе струјата на пумпата. Дури после два дена дојдоа од Бујановац и конечно ни пуштија вода“, рекол еден од жителите на Српска куќа.
Јавното претпријатие Комуналец во Бујановац кое е задолжено за водоснабдувањето има повеќе од 200 вработени.
