Кинеската војска денеска соопшти дека 24 пожарникари загинале во борбата со шумски пожар високо во планините на западната провинција Сечуан, објави АП.
Се вели дека пожарникарите настрадале кога ветрот ја сменил насоката додека го гаселе огнот на тешко достапен терен на височина од 3.800 метри.
За гасење на пожарот што избувна во саботата беа испратени 689 пожарникари, но вчера беше изгубен контактот со 30 од нив. Во меѓувреме хеликоптерите ги пронајдоа исчезнатите и го потврдија бројот на загинатите.
