Членот на Централниот одбор, Венко Филипче и потпретседателот на СДСМ, Благој Бочварски вчера во попладневните часови беа со граѓаните на општина Штип.
На средбите, Филипче со граѓаните разговараше за повеќе актуелни теми, за претстојните претседателски избори, како и потребата државата да добие вистински претседател на сите граѓани кој ќе ги застапува државните и национални интереси.
„На претстојните претседателски избори, граѓаните ќе донесат вистинска и правилна одлука со која сите ќе се гордееме, Стево ќе биде новиот претседател на Република Северна Македонија. Нашата држава добива претседател за сите граѓани. Претседател кој обединува, кој ќе го почитува секој човек и претседател кој ќе биде вистински чувар на мирот, гарант на стабилноста. На Северна Македонија и е потребен човек каков што е Пендаровски“, порача Филипче.
На средбите, членот на ЦО на СДСМ по функција, Филипче повика граѓаните да дадат поддршка за заедничкиот кандидат за претседател Пендаровски, бидејќи неговата победа, значи победа на позитивните промени, победа на напредокот и концептот едно општество за сите.
