Претседателот Владимир Путин во четвртокот го извести израелскиот премиер, Бенјамин Нетанјаху, дека руските специјални сили во Сирија пронашле остатоци од израелски војник, роден во САД, кој се водеше како исчезнат уште од 1982 година.
Исчезнувањето на Захари Баумел, кој имал 21 година кога се борел во израелската инвазија врз Либан и бил прогласен за исчезнат во акција заедно со двајца други војници во битката кај Султан Јакуб, долго време беше мистерија за Израел.
Путин, кој во Москва се сретна со Нетанјаху, рече дека иако било тешко да се лоцираат неговите останки, тој е среќен што војникот конечно ќе може да биде погребан.
Баумел емигрирал во Израел со своите родители од Њујорк во 1970 година.
Руските новински агенции пренесуваат дека пред две години Нетанјаху побарал од Путин да му помогне во пронаоѓањето на останките на Баумел и дека тој му се заблагодари на рускиот претседател за помошта, како и дека Баумел ќе биде погребан во Израел в четврток попладне.
„Ви благодарам на господине претседател за вашето лично пријателство и за вашата позиција“, рече Нетанјаху. „Споделуваме заеднички вредности“.
