Шумарот Зоран имал несекојдневна случка деновиве, кога враќајќи се од работа кај хрватскиот град Нови Винодолски забележал мечка и две мали мечиња на патот. Тој веќе две години работел како шумар во овој приморски град на Јадранот, но вели дека досега немал волку интересно доживување.
,,Возев полека речиси еден и пол килемтар зад нив, чекајќи мечката да ги тргне мечињата од патот за да поминам”, раскажува шумарот Зоран Турк за хрватските медиуми.
Тој завчера околу 13 часот во шумата кај Нови Винодолски имал блиска средба со мечката и нејзините младенчиња.
,,Се враќав од работа и слегов по патот во шумската област наречена Рушица. Таму налетав на мајка мечка и нејзините две мали младенчиња кои одеа по патот. Мечињата беа многу мали и се уште тешко се движеа по патот, додека мајка им внимателно ги чуваше”, вели Зоран. Тој полека возел зад нив, за да не ги исплаши, особено затоа што мајката е многу заштитнички настоена кон младите.
,,Во спротивно може да бидат многу агресивни, ако почувствуваат и најмала опасност, бидејќи дури и покрај тоа што имаат слаб вид, имаат многу добар слух и мирис”, објаснува шумарот. Мечињата по кратко време почувствувале замор и нозете не ги држеле, неможејќи да ја следат мајка си.
https://www.facebook.com/24sata/videos/539296399893442/?t=1
,,Кога мечка забележа дека мечињата се уморни од одење, едно по едно, нежно со устата ги фати за вратот и ги пренесе во шумата, каде што се изгубија во дрвјата. Не можев да поверувам како мечката се грижи за младенчињата”, раскажува Зоран.
Младенчињата нивната прва и втора година ја поминуваат заедно со мајка им, додека не се осамостојат. Со доаѓањето на пролетта тие потоа започнуваат со самостоен живот.
,,Јас работам веќе две години како шумар во Шумарството Нови Винодолски, во оваа област Вучјак и ова е прв пат да видам мечка со мечиња. Мечката многу почесто може да се забележи во континенталниот дел. Бев многу изненаден, беше убава и ретка сцена што требаше да ја снимам”, изјави Зоран.
