Масимилијано Алегри стана првиот италијански тренер, кој освоил пет последователни титули во Серија „А”. Тоа стана факт синоќа, откако неговиот Јувентус победи со 2:1 против Фиорентина и си го осигура освојувањето на Скудетото за осма година по ред – од кои пет со Алегри на чело.
Алегри веќе има шест титули во својата колекција, заедно со онаа што ја освои со Милан. Ова го става на второ место меѓу најуспешните италијански тренери, а пред него е само Џовани Трапатони со неговите седум титули. Алегри ги надмина легендарниот Фабио Капело и Марчело Липи во овој пласман, кои имаат по пет титули.
– Успехот е тежок и јас сум многу среќен. Освоивме две трофеи, но жал ми е што бевме елиминирани во Лигата на шампионите. Денес имавме многу тешкотии, но успеавме да реагираме и да ги свртиме работите наоколу. Осмата титула мора правилно да се прослави. Ја освоивме пет круга пред крајот, што зборува само за себе, изјави Алегри по синоќешниот меч.
