Тренерот на италијанскиот фудбалски калчолигаш Јувентус, Масимилијано Алегри, не го дочека крајот на мечот на „Џузепе Меаца“ кој неговите избраници го добија против Интер (0:1) упатувајќи се во соблекувалната. „Старата дама“ ги освоија трите бода со голот на Филип Костиќ, предизвикувајќи бурна реакција од Интер поради играњето на рака на Адриен Рабио во текот на акцијата, слична ситуација каква што имаше и на мечот со Сампдорија пред една недела.
„Веќе не им бев потребен по тој момент. Почнаа да ме иритираат, и наместо да добијам картон, решив дека треба да заминам. Играчите знаеја што прават. Секогаш е тешко да се изненади Интер на домашен терен, се работеше за физички меч и требаше да дадеме повеќе голови. Не ме лутете со прашања за голот. Судиските одлуки мораат да бидат прифатени, какви и да се. Не се жалевме по мечот со Салернитана, а на првиот меч против Интер ни поништија гол бидејќи не можеа да утврдат дали имаше играње со рака. Јуве во тој смисол се џентлмени, не сакаме да правиме проблеми. Зборувајте за фудбалот, не за судиите. Ако ВАР го поништеше овој гол тоа ќе беше субјективна одлука. Медиумите правите ваква атмосфера со вашите прашања“, вели Алегри.
