Заменик-претседателот на Советот за безбедност на Русија, Дмитриј Медведев, изјави дека ништо не може да се исклучи и дека, доколку е потребно, руската армија може да стигне до Киев или Лавов, градови во западна Украина.
„Тука ништо не може да се исклучи. Ако треба да стигнете до Киев, тогаш треба да одите во Киев, ако треба да стигнете до Лавов, тогаш треба да одите во Лавов за да ја уништите оваа инфекција“, рече Медведев во интервју за руските медиуми, зборувајќи за конфликтот во Украина, која Москва ја нарекува „специјална воена операција“.
Медведев додаде дека е неопходно да се протераат, како што наведе, „сите странци во најширока смисла на зборот од руската земја“ и да се создаде санитарна зона која нема да дозволи употреба на оружје со среден и краток дострел, пренесува РИА Новости.
„Неопходно е да се постигнат сите цели кои се поставени за заштита на нашите територии, односно териториите на Руската Федерација. Исфрлете ги сите странци што се таму, во најширока смисла на зборот, создадете санитарна зона која нема да дозволи употреба на било каков вид оружје со среден и краток дострел, односно 70-100 километри, демилитаризирајте ја, ако зборуваме за воената компонента“, рече Медведев.
