Премиерката на Србија, Ана Брнабиќ, во Даблин изјави дека на изборите во четири општини на северот од Косово и Метохија гледа самрак на демократијата. Сигурна сум дека нема да го добиеме ЗСО, истакна таа во врска со изјавата на американскиот пратеник Габриел Ескобар дека до 2 мај очекува владин предлог од Приштина за ЗСО.
На вториот ден од посетата на Даблин, каде што учествуваше на форумот „Блумберг“, Ана Брнабиќ зборуваше за утрешните избори на северот од Косово и Метохија, кои, според најавите, Србите масовно ќе ги бојкотираат, пренесува РТС.
„Ја гледам неделата како самрак на демократијата и привидот на владеењето на правото во Косово, бидејќи со неа управуваат привремените институции на Приштина со помош на меѓународната заедница. Дури и некако чудно сум среќна, бидејќи тоа е конечниот крај на шарадата што ја видовме претходните години, што организирате избори за помалку од два отсто од населението, 10 години по потпишувањето на Бриселскиот договор. И не само тоа, Приштина директно ги крши основните права на Србите на Косово, за кои меѓународната заедница и Квинта молчат, или даваат изјави за медиумите“, рече Брнабиќ.
Премиерката Брнабиќ го повика народот да остане смирен и достоинствен.
„Достоинствено издржаа се, Западот нека покаже до каде стигнала квазидемократијата. Да ставиме крај на приказната за владеење на правото, демократијата, принципите. Србите треба да останат мирни и достоинствени. Како и досега, не одговараа на провокациите, чекаа владеење на правото. Приштина и меѓународната заедница нека го слават тој ден како празник на демократијата, па ќе видиме што ќе биде понатаму“, рече Брнабиќ.
