Градоначалникот на Њујорк, Бил де Бласио најави во видео порака дека ќе се кандидира за претседателските избори во САД.
Педесет и осум годишниот член на Демократската партија би можел да има потешкотии да се издвои меѓу бројните демократи, посебно левичарски ориентираните, кои најавија дека ќе се натпреваруваат за партиската номинација за претседателски кандидат на изборите во 2020 година.
Де Бласио се соочува со скептичност и во Њујорк, каде 76 отсто од граѓаните сметаат дека тој не треба да се кандидира.
Тој ги отфрли лошите резултати од анкетите, верувајќи дека неговата порака за борба против финансиска нееднаквост ќе најде одѕив кај обичните Америкаци.
