Авионот на компанијата „Флајдубаи“ се запалил по полетувањето од аеродромот во Катманду во Непал, објави агенцијата АНИ повикувајќи се на неименувани извори.
Според „Аларабија њуз“, при полетувањето дошло до удар на птица.
Портпаролот на Управата за цивилна авијација, Јаганат Нирула, во изјава за Ројтерс изјави дека моторот се запалил на Боингот 737-800 на Флајдубаи со 167 патници набрзо по полетувањето од Катманду и дека пожарот е ставен под контрола.
