Двегодишно дете било примено во болницата во Осиек во тешка состојба поради воспаление на белите дробови и му требало итен транспорт до Загреб. Поради проблеми во сообраќајот, возачот на Итната помош Осијек на помош ја повикал загрепската полиција, која се упатила пред амбулантата и помогнала до побрз транспорт кон болницата во Загреб. Благодарение на нив, детето навреме пристигнало, каде лекарите успеале да му го спасат животот.
„Ме натера некоја интуиција. Се јавив да видам колкава е гужвата низ сообраќајот, рекоа дека е преполно, дека не можат да помогнат. Ја повикав полицијата. Голема пофалби до господинот кој го прими повикот , младиот полицаец кој ја заврши работата, изјави возачот Лука Новаковиќ за хрватските медиуми.
„Убав настан е кога знаеш дека си помогнал некому. Мило ми е што имаме толку добар однос со полицијата. Срцето е полно!“, додаде тој.
Детето било во тешка состојба, интубирано и на кислородна поддршка.
