Во април годинава просечната вредност на максималните дневни температури во Грција варирала пониско од просекот за истиот месец во периодот 2010-2019 година, а во одредени области во земјата бил најстудениот април во последните 14 години, согласно податоците од Националната опсерваторија на Атина и порталот Метео, јави дописничката на МИА од Атина.
Во западна Грција и Јонското море, оваа година бил најстудениот април од 2010 година, додека пак во континенталниот и северниот дел на земјата и на Пелопонез бил втор најстуден април по 2011 година.
Податоците и споредбите на температурите се добиени од мрежата од 51 метеоролошка станица на Националната опсерваторија и на порталот Метео.