Коалицијата предводена од Саудиска Арабија во четвртокот ги обвнови воздушните напади врз бунтовниците во главниот град на Јемен, Сана, во очигледна одмазда за нападот врз нафтоводот на „Арамко“, пренесува РТ.
Висок официјален претставник за здравство на Хутите, кои ја контролираат Сана, рече дека во саудиските напади загинале шест цивили, вклучувајќи четири, а повредени се 52 други, од кои две се Русинки што работат во здравствениот сектор.
Во еден од нападите било убиено цело семејство, а инцидентот се случил во густо населената населба Ал-Ракас во Сана.
Коалицијата соопшти дека спроведува напади против воени цели во Сана за неутрализирање на способноста на бунтовниците да вршат агресивни дејства.
Бомбашките напади се случуваат еден ден откако Хутите со беспилотни летала бомбардираа две саудиски пумпни станици за нафта. Ријад го обвини Иран дека го наредил нападот преку своите посредници, но Техеран и Хутите тврдат дека бунтовниците го извеле нападот самоиницијативно.
И борбите се обновени откако во јужниот дел на провинцијата Дале, каде што Хутите притискаат да освојат повеќе територија од јеменската влада поддржана од Саудиска Арабија. Во судирите загинале 27 лица, објави Мохамед Аскар, министер за човекови права во Јемен.
Насилството се разгорува по неколку месеци релативна смиреност, која започна откако во декември почнаа мировните преговори спонзорирани од ОН.
