Феникс Санс го совладаа Денвер Нагетс (121:114) пред своите навивачи и на крилата на одличните Девин Букер и Кевин Дурант, на кои не им помогна уште една одлична вечер од Никола Јокиќ.
Српскиот кошаркар забележа трипл-дабл со 30 поени, 17 скока и 17 асистенции, расположен беше и Џамал Мареј, постигна 32, но и домашните ѕвезди се истакнаа, па Букер мечот го заврши со 47 поени, шест скока. и девет асистенции, додека Дурент постигна 39 со девет скока и осум асистенции. Моменталниот резултат во серијата е 2:1 за Нагетс.
Да истакнеме и дека настапот на Јокиќ од овој меч влезе во историјата на НБА, откако српскиот кошаркар стана првиот кој забележа најмалку 25 поени, 15 скока и 15 асистенции во еден натпревар од плејофот.
