Навивачите на италијанскиот фудбалски калчолигаш Милан очекуваат продолжување на договорот со Рафаел Леао, додека ракводството на клубот работи на враќање во Серија А на аргентинскиот интернационалец Мауро Икарди.
Напаѓачот Икарди во минатото го носеше дресот и капитенската трака на лутиот градски ривал Интер. Доколку дојде до реализација на овој трансфер за навивачите на Интер тоа ќе биде предавство во режија на овој гол-играч, кој во моментов настапува како позајмен во турскиот Галатасарај од редовите на францускиот ПСЖ. Икарди долго време се поврзува со „кам-бек“ во Италија, а сега ако се суди според тамошните медиуми ќе има реализација на овој трансфер.
Второто име со кое се шпекулира дека ќе дојде во Милан е англискиот фудбалер Рубен Лофтус-Чик. Играчот на Челзи се поретко добива шанса во таборот на „сините“ и тој ќе биде еден од многуте кои ќе го напуштат летово „Стемфорд Бриџ“.