Базел и Вест Хем со пресврти против Фиренеца, односно АЗ Алкмар дојдоа до минимална предност (2:1) во првите полуфинални натпревари во фудбалската Конференциска лига. Во третото по ранг европско клупско натпреварување, исчекорот кон финалето е многу поголем на Базел поради триумфот на „Артемио Франки“ во Фиренца.
Амдуни во 90+2-та минута ја расплака Фиренца за триумф на швајцарскиот гигант, откако Диуф во 71-та израмни во комплетниот пресврт, после водството што „виолетовите“ го имаа од 25-та минута на мечот со гол на Кабрал.
Вест Хем во Лондон направи пресврт во девет минути на средина од вториот дел откако Бенрама во 67-та од пенал и Антонио во 76-та постигнаа два гола за да го свртат мечот, после водството четири минути пред паузата на АЗ со гол на Рејндерс.
