Вчера вечерта не беа сите залепени за телевизорот гледајќи го Евросонгот, некои цела вечер ја поминаа во полната Загребска Арена пеејќи во дует со српскиот фолк пејач Ац Лукас, кој настапи за петтиот роденден на Радио Екстра ФМ.
Контроверзниот поранешен рокер и член на групата Викторија во осумдесетите години на минатиот век, во деведесетите стана регионална фолк ѕвезда свирејќи на сплавови во Белград.
-Сега сум сигурен во мојата популарност во Загреб. Се чувствувам одлично и едвај чекам да излезам на сцената, изјави тој.
Што се однесува до изборот на песната за Евровизија, Лукас рече дека ги слушал „Мама ШЧ“ на хрватската група Лет 3, како и „Само ми се спие“ на српскиот пеач Лук Блек и ѝм посака успех, иако признава дека не му се допаднало овогодинешното натпреварување.
-Не се знае која е полоша песна, нашата или вашата. Хрватската е малку помала трагедија од нашата. Таа манифестација стана сосема неважна, што е ова – не знам. Се сеќавам на АББА, Молитва, вашата Марија Магдалена. Ова е ужас, рече Лукас.
