Претседателот на САД, Доналд Трамп издаде остро предупредување до Иран, со закана дека ќе биде уништен доколку бидат нападнати американските интереси.
,,Ако Иран сака да се бори тоа ќе биде официјално неговиот крај.Повеќе никогаш нема да се заканува на САД”, напиша Трамп на Твитер.
Иако неодамна се обиде да ги смири работите, велејќи им на своите соработници дека не сака притисокот врз Иран да се претвори во судир, со овој твит Трамп го сменува својот тон.
Би-би-си потсетува дека Трамп минатито четврток им изјави на новинарите дека се надева оти нема да има војна.
,,Нема да има војна, бидејќи ние не го сакаме тоа”, изјави минатата недела иранскиот министер за надворешни работи, Мохамед Џавад Зариф. Сепак, тензиите меѓу Вашингтон и Техеран нагло пораснаа откако САД објавија дека во Персискиот Залив испраќаат носач на авиони Абрахам Линколн и бомбардери Б-52, оправдувајќи го тој потег со ,,иранската закана”.
