ПВЦ прозорците се најчестиот избор за станови бидејќи најлесно се прилагодуваат, а исто така најдобро ја задржуваат топлината во домот. Сепак, има нешто што можеби не сте знаеле за нив – ПВЦ прозорците имаат зимска и летна положба која лесно можете да ја промените.
Едноставно отворете го прозорецот и пронајдете ја завртката на страната каде што е рачката.
Ако сакате да го поставите прозорецот во зимска положба, свртете ја завртката нанадвор со Ален клуч. Така ја регулирате силата на притисокот на рамката на прозорецот.
Кога мајсторот ќе го инсталира вашиот прозорец, тој обично го остава во стандардна или средна положба.
Ако не сте сигурни во која положба е вашиот прозорец, земете лист хартија и притиснете го со појасот на прозорецот.
Ако можете без проблем да го извлечете листот, вашиот прозорец е во летна положба. Ако листот е скинат, веројатно е во зимска положба.
Важно е да запомните дека не треба да ги оставате прозорците во зимска положба во текот на целата година, бидејќи така се оптоварува гумата во рамката, па таа побрзо ќе се истроши.
