Најмалку 53 лица се повредени во понеделникот попладне во општина Звечан на северот на Косово во судир меѓу силите на КФОР и демонстрантите кои се противат на доаѓањето на градоначалниците Албанци избрани на изборите што беа бојкотирани од Србите.
Тројца од нив се задржани во болница, а еден маж е опериран и е во тешка состојба бидејќи има прострелна рана, додека уште едно лице со тешки повреди е „во дијагностичка фаза“, началникот на Клиничкиот болнички центар во Косовска. Митровица, Златан Елек, изјави за N1. Според извештајот на Радио Слободна Европа (РСЕ), повредени се и војници на КФОР, што во обраќање во живо го потврди и српскиот претседател Александар Вучиќ.
The Serbs don't joke.
— Richard (@ricwe123) May 29, 2023
Clashes between KFOR forces and the Serbs in Kosovo…. pic.twitter.com/ihnp5ASzQ1
Повредени се вкупно 41 припадник на КФОР, тројца се тешко ранети. Се надеваме дека ниту еден од нив не е опасен по живот“, рече Вучиќ.
КФОР, мировната мисија на НАТО во Косово, го осуди насилството.
„Соочени со најактивните демонстранти, неколку војници на италијанскиот и унгарскиот контингент на КФОР беа предмет на неиспровоцирани напади и добија трауматски рани со скршеници и изгореници поради експлозија на запаливи средства“, се вели во соопштението на КФОР, пренесува Ројтерс.
⚡️#BREAKING NATO confirms that 25 “NATO peacekeepers” injured in clashes in northern Kosovo — statement pic.twitter.com/M6EDDN0X6P
— War Monitor (@WarMonitors) May 29, 2023