Португалија со 3:0 ја победи Босна и Херцеговина во меч од третото коло во квалификациите за Европското првенство кое следната годна ќе се игра во Германија. За Португалија ова е трета победа и со максимални девет бода и гол разлика 13:0 е на првото место покажувајќи дека лесно треба да обезбеди место на завршницата на континенталниот собир.
Гостите имаа шанси први да погодат, но Един Џеко промаши добра шанса во 29 минута.
Потоа Португалија казни преку Бернардо Силва во 44 минута, а сите дилеми околу победникот беа решени кога Бруно Фернандеш погоди со глава за 2:0 во 77 минута. Играчот на Манчестер јунајтед погоди и по втор пат во 90+2 минута.
Edin Dzeko'nun kaçırdığı gol pozisyonu.pic.twitter.com/I589nkUyT8
— Puskas Sports (@PuskaSports) June 17, 2023
БиХ останува со само три бода по три кола што е доволно за четвртото место вво групата каде пред нив се Словачка со 7 бодови и Луксембург со 4 бодови.
Во дербито од Ф групата, Белгија и Австрија ремизираа 1:1 во меч на кој гостите имаа предност, но не ја сочуваа до крајот. Лукаку ги спаси домаќините. Овие две селекции, заедно со Шведска се главни фаворити за првите две места во оваа група.
Во останатите мечеви кои се играа денеска: Литванија – Бугарија 1:1, Луксембург – Лихтенхтајн 2:0, Азербејџан – Естонија 1:1, Црна Гора – Унгарија 0:0, Норвешка – Шкотска 1:2, Албанија – Молдавија 2:0, Кипар – Грузија 1:2, Фарски Острови – Чешка 0:3, Исланд – Словачка 1:2.
