Новак Ѓоковиќ немаше проблеми со противникот во стартната рунда од тенискиот гренслем Вимблдон. Го совлада Аргентинецот Педро Качин во три сета и си обезбеди место во вторoто коло.
Првиот и вториот сет, бранителот на трофејот ги доби со идентични 6:3 во гемови, додека во третиот сет, Качин пружи посилен отпор и го принуди фаворитот на тај-брејк кој му припадна на српскиот тенисер со 7:4 на поени.
Во следното коло, Ѓоковиќ ќе игра против Австралиецот Џордан Томпсон кој во стартното коло, со пресврт, забележа победа од 3:2 во сетови над Брендан Накашима.
Поради дожд, мечот беше во прекин околу 80 минути. Прво мораше да биде спуштен покривот, а потоа и тревата не беше во добра состојба, па организаторот ја поправаше ситуацијата со три сушалки за трева.
Ѓоковиќ е во обид да ја освои осмата титула на Вимблдон со што би се израмнил со Роџер Федерер, а го брка и 24. трофеј од најголемите турнири.
