Албанскиот премиер Еди Рама денеска со рекција на Твитер го оцени инцидентот во приштинскиот парламент како срамен кој и штети на Приштина на меѓународен план.
„Несогласувањето со премиерот е демократско, вака да го изразите своето противење значи да се оцрните себе си, вашите гласачи и целата земја со срам, што денес му штети на Косово на меѓународен план, повеќе од која било политичка позиција што му се спротивставува на премиерот! – напиша Рама на Твитер.
Замислете колку се чувствуваат незаменливи сојузниците и пријателите на Приштина и Албанците, кога гледаат како Албанците се фаќаат за гуша, каде треба да се бориме со идеи и зборови, а не со навреди и тупаници, рече Рама.
„Навистина сакам опозицијата да се огради од ова срамно однесување и да му служи на Косово со сила на пример, а не со пример на сила!“, посочи албанскиот премиер.
За време на денешното обраќање на премиерот Курти во косовското Собрание дошло до тепачка меѓу пратениците која избила откако еден од пратениците го полил Курти со вода.
Како што пренесува Телеграф, пратениците од опозицијата цело време го навредувале Курти нарекувајќи го „ѓубре“.
